Qazaqstanda jeńil ónerkásip jáne tekstıl ónimderin tańbalaý boıynsha pılottyq joba 2021 jyldyń qarasha aıynda bastalǵan bolatyn. Sol ýaqyttan beri osy saladaǵy salyqtyq túsimder 300%-ǵa ósip, 8 mıllıard teńgeden 25 mıllıard teńgege deıin artty, dep málimdedi "Qazaqtelekom" kompanıasynyń biregeı operatory, jeńil ónerkásip taýarlaryn tańbalaý jobasynyń jetekshisi Erlan Karabaev baspasóz konferensıasynda, dep habarlaıdy aqshamnews.kz
Ónerkásip jáne qurylys mınıstrliginiń málimetterine sáıkes, 2024 jyly Qazaqstannyń jeńil ónerkásip naryǵynyń kólemi 4,3 mıllıard dollardy qurady.
Shamamen otandyq óndirýshilerdiń úlesi 6%-dy quraıdy.
Ótken jyly jeńil ónerkásip óndirisiniń kólemi 212 mıllıard teńge shamasynda boldy. Osy salada 28 myń adam jumys isteıdi.