Bul týraly Úkimet qaýlysy 27 qańtarda kúshine enedi.
QR Úkimetiniń qaýlysymen kóship kelýshilerdiń Qazaqstan Respýblıkasyna kelý jáne bolý, sondaı-aq olardyń Qazaqstan Respýblıkasynan ketý qaǵıdalaryna jáne Kóshi-qon baqylaýyn iske asyrý qaǵıdalaryna ózgerister engizildi, dep habarlaıdy Almaty-akshamy.kz
Sonyń ishinde kóship kelýshilerdiń Qazaqstan Respýblıkasynda bolýynyń ruqsat etilgen merzimine ózgeris engizilgen.
Qazaqstanda bolýdyń ruqsat etilgen merzimi:
eger Qazaqstan Respýblıkasynyń tıisti tarappen jasaǵan kelisiminde ózgeshe tártip belgilenbese nemese Qazaqstan Respýblıkasynyń Úkimeti ózgeshe tártip belgilemese, Qazaqstan Respýblıkasyna vıza alýdy talap etpeıtin tártippen kelgen kóship kelýshiler úshin Qazaqstan Respýblıkasynyń Memlekettik shekarasyn kesip ótken kúnnen bastap kúntizbelik 30 kún, kúntizbelik 180 kúnnen turatyn ár kezeń ishinde jıyntyǵynda kúntizbelik 90 kún ótken soń;
Eýrazıalyq ekonomıkalyq odaqqa múshe memleketteriniń azamattary úshin Qazaqstan Respýblıkasynyń Memlekettik shekarasyn kesip ótken kúnnen bastap kúntizbelik 90 kún, kúntizbelik 180 kúnnen turatyn ár kezeń ishinde jıyntyǵynda kúntizbelik 90 kún ótken soń;
Qazaqstan Respýblıkasyna kirýge arnalǵan vızanyń negizinde kelgen kóship kelýshiler úshin vızanyń merzimi ótken soń;
bolýdyń ózge merzimderin aıqyndaıtyn, Qazaqstan Respýblıkasy ratıfıkasıalaǵan halyqaralyq sharttar bar memleketterdiń azamattary úshin osy sharttarda kórsetilgen merzimder ótken soń;
ýaqytsha turýǵa ruqsat resimdegen kóship kelýshiler úshin osy ruqsattyń qoldanylý merzimi ótken soń;
buǵan deıin Qazaqstan Respýblıkasynda bolý merzimin buzýǵa jol bergeni úshin ákimshilik jaýapkershilikke tartylǵan kóship kelýshiler úshin ákimshilik jaýapkershilikke tartý týraly sheshim shyǵarylǵannan keıin kúntizbelik 15 kún ótken soń;
qylmystyq quqyq buzýshylyq jasaǵany úshin sottalǵan kóship kelýshiler úshin sot sheshiminiń negizinde olar elden shyǵaryp jiberilgen jaǵdaılardy qospaǵanda, jazasyn ótegennen nemese jazadan bosatylǵannan keıin kúntizbelik 10 kún ótken soń;
Qazaqstan Respýblıkasynda turaqty turǵan jáne shet elge turaqty turýǵa Qazaqstan Respýblıkasynan shyǵýǵa qujattar resimdegen kóship kelýshiler úshin qujattar resimdelgennen keıin kúntizbelik 30 kún ótken soń;
ózderine qatysty Qazaqstan Respýblıkasynyń Qylmystyq kodeksine sáıkes aýyr nemese asa aýyr qylmys dep tanylatyn is-áreketter jasalǵany týraly qylmystyq-prosestik zańnamada belgilengen tártippen habarlaǵan kóship kelýshiler úshin Qazaqstan Respýblıkasynyń qylmystyq-prosestik zańnamasyna sáıkes aryz qaralǵannan keıin kúntizbelik 30 ótken soń;
Qazaqstan Respýblıkasy sottarynyń úkimderi boıynsha qoǵamnan oqshaýlaýmen baılanysty emes jazalarǵa shartty túrde sottalǵan, sondaı-aq shartty túrde merziminen buryn bosatylǵan kóship kelýshiler úshin taǵaıyndalǵan jazanyń merzimi ne jazanyń ótelmegen bóligi aıaqtalǵannan keıin kúntizbelik 15 kún ótkennen soń aıaqtalady;
qylmystyq-prosestik zańnamada belgilengen tártippen osyndaı qylmystar týraly qylmystyq ister boıynsha jábirlenýshiler nemese kýágerler dep tanylǵan kóship kelýshiler úshin bolý merzimi qylmystyq isti tergeý úshin qajetti, biraq kúntizbelik 90 kúnnen aspaıtyn kezeńge uzartylady;
aıryqsha jaǵdaılarda (áleýmettik, tabıǵı jáne tehnogendik sıpattaǵy tótenshe jaǵdaılar kezinde jáne dúleı apattyń nemese iri aýqymdy avarıanyń (apattyń) naqty qaýip tóndirýine baılanysty tótenshe jaǵdaı engizilgen, sondaıaq kóliktiń jumys kestesi buzylǵan kezde) bolý merzimi shyǵýdy uıymdastyre úshin qajetti, biraq kúntizbelik 30 kúnnen aspaıtyn kezeńge uzartylady.