UQSHU-nyń bas hatshysy Imanǵalı Tasmaǵambetov osy aptada qyzmetinen ketedi. 27 qarashada Bishkekte uıymnyń jarǵylyq organdarynyń otyrystary ótedi, onda jańa bas hatshynyń kandıdatýrasy qaralady, - dep habarlaıdy aqshamnews.kz tilshisi.
Bul týraly aqparat UQSHU-nyń resmı Telegram-arnasyna paıda boldy.
"UQSHU sesıasynda, 2026–2029 jyldarǵa arnalǵan úsh jyldyq kezeńge UQSHU bas hatshysynyń kandıdatýrasyn qaraý josparlanǵan. Sonymen qatar, 2026 jyly uıymdaǵy Reseı Federasıasynyń aldaǵy tóraǵalyǵynyń basymdyqtary jarıalanady dep kútiledi", – delingen habarlamada.
Ujymdyq qaýipsizdik týraly shart uıymy (UQSHU) – bul aımaqtyq halyqaralyq uıym, beıbitshilikti, halyqaralyq jáne óńirlik qaýipsizdikti nyǵaıtý, sondaı-aq múshe memleketterdiń táýelsizdigin, aýmaqtyq tutastyǵy men egemendigin ujymdyq túrde qorǵaý maqsatynda qurylǵan áskerı-saıası odaq. UQSHU quramyna Armenıa (2024 jyldan bastap qatysýy "toqtatylǵan"), Belarýs, Qazaqstan, Qyrǵyzstan, Reseı jáne Tájikstan kiredi.
Imanǵalı Tasmaǵambetov UQSHU-ny 2023 jyldyń 1 qańtarynan beri basqaryp keledi. Ol bul qyzmetke 2022 jyldyń qarashasynda Erevanda qabyldanǵan UQSHU sheshimimen taǵaıyndalǵan.