Memleket basshysy Europa Odaǵynyń Ortalyq Azıya jóníndegí arnaıy ókílí Eduards Stıpraısty qabyldady, - dep habarlaıdy aqshamnews.kz tílshísí.
Qasym-Jomart Toqaev mártebelí meımanǵa íltıpat tanytyp, Qazaqstannyń negízgí árí senímdí seríktesteríníń bírí Europa Odaǵymen kópjosparly yqpaldastyqty odan árí nyǵaıtu mańyzdy ekenín atap óttí.
Prezıdent osydan 10 jyl būryn qabyldanǵan keńeıtílgen seríktestík pen yntymaqtastyq jóníndegí kelísím ekí jaqty-qarym-qatynastyń aıtuly kezeńí dep sanaıdy.
Memleket basshysy Ortalyq Azıya elderí men Europa Odaǵy arasyndaǵy belsendí jáne konstruktıvtí dıalogqa joǵary baǵa berdí.
Eduards Stıpraıs Europa Odaǵy Qazaqstanmen yntymaqtastyqty odan árí tereńdetuge beıíl ekenín málímdep, ekíjaqty jáne óńírlík kún tártíbíndegí yqpaldastyqtyń qarqyny arta beretíníne sením bíldírdí.