Qazaqstandyq dıdjeı Imanbek Spotify servısiniń arnaıy syılyǵyna ıe boldy, dep habarlaıdy Almaty-akshamy.kz QazAqparatqa silteme jasap.
Resýrstyń baspasóz qyzmeti taratqan málimetke sensek, Imanbek - TMD boıynsha tregi 1 mlrd-tan asa márte tyńdalǵan tuńǵysh mýzykant. Ol bul mejege ótken jyldyń qazan aıynda jetken.
Onyń Roses-Imanbek Remix atty áýenin tyńdaǵandar sany búginde álem boıynsha 1,5 mıllıardtan asyp ketti.
Mýzyka servısi dıdjeıdi quttyqtap, syılyqty tabystady.
«Artısi osyndaı iri jetistikpen jáne klýbqa qosylýymen quttyqtaımyz. I is for Imanbek!» delingen habarlamada.
Osylaısha Imanbek Billions Club-qa qosyldy. Onyń pleılıst boıynsha «kórshileri» - Bıllı Aılısh, Trevıs Skott, Adel jáne basqa álemdik ataqty mýzykanttar.
Munyń aldynda Spotify-dyń dál osy marapaty kanadalyq reper Dreık, norveg dıdjeıi Kygo jáne brıtan ánshisi Dýa Lıpaǵa tapsyrylǵan edi.