Álemge tanymal kásipker Ilon Masktyń anasy Meı Mask 17 qazanda ótetin Ortalyq Azıa áıelderine arnalǵan BeWoman forýmyna qatysý úshin Almatyǵa keldi, dep habarlaıdy aqshamnews.kz
Forým barysynda Meı Mask almatylyqtarmen densaýlyq, durys tamaqtaný, qartaıý, genderlik teńdik, balalardy jalǵyz tárbıeleý, qıyndyqtardy jeńý jáne ózine degen senimdilikti arttyrý taqyryptarynda tájirıbesimen bólisedi.
Sapary barysynda búgin Meı Mask Yqylas Dúkenuly atyndaǵy Ult aspaptar murajaıyna baryp, qazaq halqynyń ulttyq mýzykalyq aspaptarymen tanysty. Ol mádenıetimizdiń baı murasyn joǵary baǵalap, qazaq aspaptarynyń tarıhyna úlken qyzyǵýshylyq bildirdi.