Almatyda erteń, 17 qazanda Mass Alert jedel qulaqtandyrý júıesi jappaı synaqtan ótkiziledi, dep habarlaıdy aqshamnews.kz
Almatylyqtar men qala qonaqtary Mass Alert qulaqtandyrý júıesi habarlamasyn alý úshin iPhone qurylǵylaryn iOS 18 nusqasyna jańartýy qajet
Almatylyqtar men qala qonaqtaryna alańdaýdyń qajeti joq, sebebi bul jaı ǵana synaqtan ótkizý.
Endi bul qulaqtandyrý iOS operasıalyq júıesin paıdalanýshylarǵa da qoljetimdi. Aıta ketý kerek, iPhone qurylǵylarynyń ıesine iOS 18 baǵdarlamalyq jasaqtamasy bolsa ǵana eskertý keledi.
Ol úshin almatylyqtar men qala qonaqtary qurylǵysyn iOS 18 júıesine jańartý qajet. Eger qurylǵy avtomatty túrde jańarmasa, ony «Baptaýlar – Negizgi – Baǵdarlamalyq jasaqtamany jańartý» dep ózi jańartý kerek.
Mobıldi qurylǵy paıdalanýshylaryna «Ulttyq qulaqtandyrý» belgisimen synaq týraly habarlama jiberiledi, al keıbir Android operasıalyq júıesi bar qurylǵylarǵa «Prezıdenttik qulaqtandyrý» belgisimen eskertý túsedi.
Esterińizge sala keteıik, bıyl 31 mamyrda birinshi kezeńde Android operasıalyq júıesi bar qurylǵylarǵa synaqtan ótkizý júıesi júrgizildi. Buryn habarlanǵandaı, ekinshi kezeńde iOS qurylǵylarynyń paıdalanýshylary elektrondyq qulaqtandyrý júıesine qosylady.