Amerıkalyq kásipker Ilon Mask AQSH-tyń eks-prezıdenti Donald Tramptyń keńesshisi bolǵan eki aı ishinde 148 mıllıard dollarynan aıyryldy, dep habarlaıdy Bild basylymy.
Soǵan qaramastan, Mask áli de álemdegi eń baı adam sanalady. Onyń qazirgi baılyǵy — 321 mıllıard dollar, biraq bul kórsetkish tez azaıyp keledi.
Buǵan negizgi sebep retinde Tramptyń ınaýgýrasıasynan keıin Tesla kompanıasynyń aksıalarynyń 40%-dan astam quldyraýy atalyp otyr. Basylym málimetinshe, Mask ózin búrokratıamen kúresýshi retinde kórsetýge tyrysqanymen, bul áreketi ózine jáne kompanıasyna zıan keltirdi.
Aıta keteıik, 2025 jyldyń aqpan aıynda Tesla nebári 43 650 kólik satqan. Bul ótken jylmen salystyrǵanda 6%-ǵa tómen kórsetkish. Al Eýropada kompanıanyń satylymy tipti 75%-ǵa qysqarǵan.
Sonymen qatar, sońǵy ýaqytta agressıvti belsendiler Tesla kólikterin órtep, túrli narazylyq aksıalaryn uıymdastyryp júr.