Adamzatty ashtyqtan qutqarý kásipker Tesla kompanıasynyń aksıalaryn satyp jiberýge daıyn
Biraq ol úshin amerıkalyq kásipkerdiń bir sharty bar. Dúnıejúzilik azyq-túlik baǵdarlamasy satylymnan túsken aqsha ashtyqpen kúreske kómektese alatynyn dáleldeý kerek, dep habarlaıdy Almaty-akshamy.kz
Buǵan deıin osy gýmanıtarlyq uıymnyń atqarýshy dırektory toıyp tamaq ishpeıtinderdiń máselesin sheshý úshin 6 mıllıard dollar jetedi dep jarıa etken. Sóıtip álemniń eń aýqatty degen birneshe adamyn aqsha bólýge shaqyrǵan.
Forbs reıtingisine sáıkes, eń baı adam Ilon Mask sanalady. Onyń dúnıe-múlki 289 mıllıard dollarǵa baǵalanyp otyr. Kásipker ashtyqpen kúreske qajetti 6 mıllıard dollarǵa aqshasynyń nebári 2 prosentin bólse jetedi.