Ázerbaıjan prezıdenti Ilham Alıev Azerbaijan Airlines áýe kompanıasynyń ekıpaj músheleriniń otbasylary men apattan aman qalǵan bortseriktermen kezdesýinde el azamattarynyń qazasy týraly pikir bildirdi, dep habarlaıdy aqshamnews.kz
Minval basylymynyń habarlaýynsha, Alıev kinálilerdi jazalaýdy talap etken.
«Biz ádildik ornap, kinálilerdiń jazalanýyn, barynsha ashyqtyq pen adamgershilik qarym-qatynasty talap etemiz. Jaqyn arada aldyn ala nátıjelerdi biletinimizge jáne barlyǵy óz ornyna kelip, tragedıanyń tolyq kórinisi anyqtalatynyna senimdimin. Bul qaıǵyly oqıǵany tolyq zertteý men kinálilerdi jazalaý isinde mańyzdy kezeń bolady», — dedi Ázerbaıjan prezıdenti.
Ázerbaıjan basylymynyń habarlaýynsha, eger Groznyı der kezinde áýe keńistigin japsa jáne RF áskerı men azamattyq qyzmetteri arasynda úılestirý bolǵanda, tragedıanyń aldyn alýǵa bolar edi.
Ilham Alıevtiń aıtýynsha, eger Reseı apat bolǵan alǵashqy sátterden obektıvti tergeý júrgizýge umtylǵanda, Ázerbaıjan qara jáshikterdi Táýelsiz memleketter dostastyǵynyń avıasıa komıtetinde (MAK) rasshıfrleýge keliser edi.
Alaıda, «apattyń mán-jaıyn jasyrý jáne ushaqtyń «qustarmen soqtyǵysý» nemese «borttaǵy ottegi balonynyń jarylýy» degen talpynystar» MAK tarapynan tergeýdiń obektıvtiligine kúmán týdyrǵan. Bul prezıdenttiń de, qoǵamnyń da narazylyǵyn týdyrdy.