Almaty oblysynda aýdandyq bilim bóliminiń basshysy jáne 7 býhgalter sottaldy, - dep habarlaıdy aqshamnews.kz
İle aýdandyq soty aýdandyq bilim bóliminiń basshysy L.Katkeevaǵa jáne osy bólimniń 7 býhgalterine úkim shyǵardy.
"Olar bilim berý salasynda naqty jumys istemegen adamdarǵa jalaqy aýdarý arqyly 686 mln teńge somasynda búdjet qarajatyn jymqyrǵany úshin kináli dep tanyldy. Sonymen qatar, laýazymdyq ókiletin asyra paıdalanyp, óziniń júrgizýshisin vedimistik baǵynysty mektep-gımnazıaǵa kásiptik baǵdar berýshi laýazymyna jumysqa ornalastyrǵan, osylaısha jalpy somasy 4,9 mln teńge jalaqy zańsyz tólengen", - dep jazylǵan habarlamada.
Sot úkimi:
Katkeevaǵa memlekettik qyzmet atqarýǵa ómir boıyna tyıym salyndy, ol 8 jylǵa bas bostandyǵynan aıyryldy.
Býhgalterlerge memlekettik qyzmette 10 jyl qyzmet atqarýǵa tyıym salynyp, 7 jyldan 8 jylǵa deıin bas bostandyǵynan aıyrý jazasy taǵaıyndaldy.
Sot aktisi zańdy kúshine engen joq.