Bıyl shilde aıynan bastap İİM belgili bir quqyqtyq mártebesi joq, jeke basyn kýálandyratyn qujatsyz júrgen adamdardy anyqtaý jáne olarǵa kómek kórsetý boıynsha jumys júrgizip keledi.
Negizinen bul sanatqa belgili bir turǵylyqty jeri joq, shalǵaı jerler men sharýa qojalyqtarynda turatyn, quqyqtyq saýattylyqtyń tómendigine jáne densaýlyǵyna baılanysty óz betinshe júginýge múmkindigi joq adamdar jatady, dep habarlaıdy aqshamnews.kz Polisia.kz-ke silteme jasap.
Jyl sońyna deıin jalǵasatyn naýqandy İİM Kóshi-qon qyzmeti komıteti men onyń aýmaqtyq bólinisteri Birikken Ulttar Uıymynyń Bosqyndar isi jónindegi Joǵarǵy Komısary basqarmasynyń jáne birqatar úkimettik emes uıymdardyń kómegimen júrgizýde. Búgingi tańda el boıynsha qujattary joq 404 adam anyqtaldy, onyń 200-i Qazaqstan Respýblıkasynyń azamattary, al 14-i azamattyǵy joq adamdar bolyp tanyldy. Qalǵandarynyń quqyqtyq mártebesi tekserilýde.
– Eger qujattary joq adamdar týraly bilseńiz, kóshi-qon qyzmetine turǵylyqty jer boıynsha habarlasýdy suraımyz. Olarǵa quqyqtyq kómek kórsetý úshin árbir aımaqta jaýapty qyzmetker bekitilgen. Sondaı-aq qosymsha aqparat alý úshin İİM Kóshi-qon qyzmeti komıtetine myna nómirler arqyly júginýge bolady: +7 701 171 82 28, +7 717 72 40 73 jáne 71 44 10, – dedi vedomstvoda.