Polısıa shetelge sapar shegýdi josparlap otyrǵan qazaqstandyqtardy týrısik agenttikti muqıat tańdaýǵa shaqyrdy, dep habarlaıdy almaty-akshamy.kz.
İshki ister mınıstrliginiń resmı medıa-portalyndajarıalanǵan aqparat boıynsha, el turǵyndary týrısik fırmalardyń áreketine shaǵymdanyp jatyr.
"Maýsymda polısıa bólimine Aqtóbe qalasynyń turǵyny týrısik agenttikke aldanǵany týraly aryzdandy. Tergep-tekserý barysynda mamyrda Aqtóbe qalasynda ornalasqan týrısik agenttikterdiń birinde onyń basshysy áýe bıletterin alyp beretinin aıtyp aldaý jolymen jábirlenýshiniń 250 myń teńgeden astam qarajatyn zańsyz ıemdengeni anyqtaldy. Qazir alaıaqtyq faktisi boıynsha sotqa deıingi tergeý amaldary júrgizilýde. Tergeý barysynda týrısik fırmanyń dırektory oblystyń taǵy birneshe turǵynyn aldaǵany anyqtaldy", - deıdi polıseıler.
Osyǵan baılanysty polıseıler týrısik agenttikterdi tańdaǵanda asa saq bolýǵa, aldyn ala tólemder aýdarmaýǵa, jasalǵan kelisimshartty muqıat oqýǵa, olardan barlyq týrısik qujatty talap etýge jáne aldyn ala tekserip alýǵa shaqyrady.