Krımınalısıkalyq bólimshelerdiń qyzmetkerleri qosymsha tartyldy
Tártipsizdikter kezinde Almaty qalasy eń kóp zardap shekti, osyǵan baılanysty, sondaı-aq kásipkerlerdiń ótinishin eskere otyryp, İİM óńirlik polısıa departamentterinen jedel-tergeý jáne krımınalısıkalyq bólimshelerdiń qyzmetkerleri qosymsha tartyldy. Nátıjesinde oqıǵa bolǵan jerdi jáne zaqymdardy tirkep, sondaı-aq qajetti zattaı dáleldemelerdi alyp, barlyq obektilerdi tekserýdi qysqa merzimde aıaqtaýǵa múmkindik týdy. Bul týraly Ortalyq komýnıkasıalar qyzmetinde ótken brıfıńte QR İİM Tergeý departamentiniń bastyǵy Sanjar Ádilov málimdedi.
«Qazirgi ýaqytta İİM krımınalıseri tárkilengen izder boıynsha qylmyskerlerdiń jeke basyn anyqtaý ústinde. Tergeýshiler qazirdiń ózinde 15 myńnan astam tergeý áreketterin júrgizdi, olardyń ishinde jábirlenýshilerden, kýálardan jáne kúdiktilerden jaýap alý, olardyń arasyndaǵy betpe-bet stavkalar, tekserýler, tintý jáne basqa da sharalar. Tergeý organdaryna dáleldemeler jınaýǵa jáne quqyq buzýshylardy ustaýǵa járdemdesetin azamattarǵa erekshe alǵys bildirgim keledi. Mysaly, Almaty oblysynyń eldi mekenderiniń birinde turǵyndar urlanǵan qarýdyń 6 birligin satý áreketiniń jolyn kesti, olar polısıaǵa tapsyryldy. Atalǵan fakti boıynsha sotqa deıingi tergeý bastaldy jáne kúdiktiler ustaldy. Olardyń Almaty qalasy áýejaıynyń ǵımaratyndaǵy saýda núktelerin tonaýǵa qatysy bar ekeni anyqtaldy», - dedi polıseı.