Polısıa kúni qarsańynda İİM “Sert” úshinshi respýblıkalyq ádebı baıqaýy ótkizilmek.
Baıqaýdyń basty maqsaty – eldegi qaýipsizdik pen tártipti qamtamasyz etetin polıseılerdiń erligin nasıhattaý, halyqtyń quqyqtyq sanasy men mádenıetiniń deńgeıin arttyrý, ishki ister organdary qyzmetkerleriniń kúrdeli de qaýipti jumysyna jurtshylyqtyń nazaryn aýdarý, sondaı-aq qazaqstandyq detektıv janryn damytý, dep habarlaıdy Almaty-akshamy.kz Polisia.kz-ke silteme jasap.
Bıylǵy jyly konkýrsqa barlyq nıet bildirýshilerden bólek polısıa bólinisteri de qatysa alady. Buryn jarıalanbaǵan detektıvtik shyǵarmalar aǵymdaǵy jyldyń qazan aıyna deıin qabyldanady. Týyndylar konkýrs týraly erejede kórsetilgen talaptarǵa saı bolýy tıis.
Onymen İİM resmı portalynda tanysýǵa bolady. Baıqaý qorytyndysyn belgili jazýshylar men aqyndardan, qoǵam qaıratkerlerinen, jýrnalıserden jáne ishki ister organdarynyń ardagerlerinen quralǵan qazylar alqasy shyǵarady.
Jeńimpazdardyń esimi jyl sońynda jarıalanady.