İİM azamattardy órt qaýipsizdigi erejelerin saqtaýǵa shaqyrady, dep habarlaıdy aqshamnews.kz.
– Aýa-raıynyń sýytýy tehnogendik órtterdiń kóbeıýine ákelýi múmkin. Osyǵan baılanysty biz joǵary qýatty elektr qurylǵylaryn bir ýaqytta qosý arqyly peshterdi qyzdyrmaýǵa jáne elektr jelilerin shamadan tys júktemeýge keńes beremiz. Avtokólik ıelerine ashyq ottyń kómegimen avtomobılderdi jylytý qaýipti ekenin eske salamyz. İİM elimizdiń barlyq turǵyndaryna úıde oqys jaǵdaılardy boldyrmaý úshin órt qaýipsizdigi erejelerin qatań saqtaýǵa shaqyrady: – murjalardy ýaqtyly tazalap, peshterdi jóndeý qajet; – aqaýy bar jylytý qurylǵylary men gaz jabdyqtaryn paıdalanbańyzdar; – balalardy eresekterdiń qaraýynsyz jalǵyz qaldyrmańyzdar. Órt qaýipsizdigi erejelerin qatań saqtańyzdar. Barlyq oqıǵalar týraly 101 nemese 102 telefondaryna habarlasýlaryńyzdy suraımyz, – dedi İİM ákimshilik polısıa komıtetiniń erekshe tapsyrmalar jónindegi aǵa ınspektory Aqtoty Boranova.