Almaty ákimi Erbolat Dosaevtyń Halyqaralyq qarjy korporasıasynyń (IFC) ókilderimen kezdesýi barysynda Almatyda ekologıany jaqsartýǵa jáne qaldyqtardy basqarý tıimdiligin arttyrýǵa baǵyttalǵan ári qaldyqtarmen jumys isteý júıesin reformalaý boıynsha zertteýdiń aralyq qorytyndylary usynyldy.
Jańa bastamalar úzdik halyqaralyq tájirıbeler men tehnologıalardy eskere otyryp, qaldyqtardy jınaý, qaıta óńdeý jáne kádege jaratý úshin turaqty ınfraqurylym qurýǵa yqpal etetin bolady. IFC negizgi usynystaryna qaldyqtardy jınaý júıesin qaıta qurylymdaý jáne keńeıtý, qoqystardy bólek jınaýdy engizý, qaldyqtardy shyǵarý júıesin ońtaılandyrý, ınfraqurylymǵa ınvestısıalar tartý, qaıta óńdeý qýattaryn jańǵyrtý, mehanıkalyq jáne bıologıalyq óńdeý, kompost qondyrǵylaryn damytý, zamanaýı sanıtarlyq polıgon salý jáne t. b.
Zertteý 2023 jylǵy 4 qazanda Almaty ákimdigi men IFC arasynda jasalǵan memorandým aıasynda Seureca fransýz kompanıasynyń IFC (175 myń AQSH dollary) granttyq qarjy esebinen júrgiziledi. Bul sharalar Almatyǵa ekologıalyq turaqtylyqtyń joǵary standarttaryna qol jetkizýge, qorshaǵan ortaǵa teris áserdi azaıtýǵa jáne qala turǵyndarynyń ómir súrý sapasyn jaqsartýǵa kómektesedi.
Anyqtama:
Halyqaralyq qarjy korporasıasy (IFC) — búkil álem boıynsha ekonomıkalyq ósý men ómir súrý sapasyn jaqsartýǵa yqpal etetin jeke sektordy qarjylandyrýǵa jáne turaqty damýǵa mamandanǵan Dúnıejúzilik bank tobynyń múshesi.