Almaty qalasy Áýezov aýdanynda Iassaýı kóshesiniń bir bóliginde kólik qozǵalysy ýaqytsha shekteledi.
Saın – Shalápın – Iassaýı – Jandosov kósheleri sheńberinde sý qubyry jáne káriz jelilerin tartý jumystarynyń bastalýyna baılanysty 2025 jylǵy 23 maýsym men 30 tamyz aralyǵynda Iassaýı kóshesinde avtokólik qozǵalysy kezeń-kezeńimen shekteledi:
1-kezeń – Jandosov kóshesinen Stepnaıa kóshesine deıin: 2025 jylǵy 23 maýsym – 8 shilde;
2-kezeń – Stepnaıa kóshesinen Taıbýryl kóshesine deıin: 8 shilde – 21 shilde;
3-kezeń – Taıbýryl kóshesinen Iassaýı kóshesi, 13a mekenjaıyna deıin: 21 shilde – 10 tamyz;
4-kezeń – Iassaýı kóshesi, 13a mekenjaıynan Shalápın kóshesine deıin: 10 tamyz – 31 tamyz.
Injenerlik jelilerdi tóseý jumystary tyǵyz tasty topyraqtyń bolýyna baılanysty ashyq ádispen júrgiziledi. Bul kóldeneń baǵytta burǵylaý ádisin (KBB) qoldanýǵa múmkindik bermeıdi.
Atalǵan ýchaskede kelesi jumystar josparlanǵan:
• sý qubyry jelisi – 1 200 m;
• káriz jelisi – 800 m.
Turǵyndar men avtokólik júrgizýshilerinen ýaqytsha shekteýlerge túsinistikpen qarap, qozǵalys baǵytyn aldyn ala josparlaýdy jáne ýaqytsha jol belgileriniń talaptaryn qatań saqtaýdy suraımyz.