Almaty qalasynyń Naýryzbaı aýdanyna qarasty mektep oqýshylary men muǵalimderi Zaılıı Alataýynyń bókterinde ornalasqan Aıýsaı shatqalynda ekologıalyq senbilik ótkizip, 2,5 tonna qoqys jınady. Bul týraly Aqshamnews.kz saıty habarlaıdy.
«Taza Qazaqstan» jáne «Parkter sherýi – 2025» aksıalary aıasynda uıymdastyrylǵan bul sharaǵa 500-den astam oqýshy men ustaz qatysty. İs-sharany Almaty qalasy Bilim basqarmasy úıymdastyrdy.
Senbilik barysynda mektep oqýshylary 3 gektar aýmaqty qoqystan tazartyp, tabıǵatty aıalaýdyń mańyzdylyǵyn is júzinde kórsetti. 8 «A» synyp oqýshysy Qaldybek Mıras pen ekouıym jetekshisi Jaqypaqyn Shynar Nurdaýletqyzynyń aıtýynsha, bul aksıa tabıǵatqa tutynýshylyq kózqarasqa qarsy shyqqan, sanaly urpaqtyń úndeýi boldy.
Naýryzbaı aýdanynyń bilim bóliminiń basshysy Saltanat Qusaıynova shatqaldyń Almaty qalasynyń sheginde ornalasqanymen, tabıǵı sulýlyǵy men bıologıalyq ártúrliligimen erekshe oryn ekenin atap ótti.