Túrkistanda kólik júrgizýshisi jaıaý adamdarǵa qaýip tóndirgen.
Túrkistan oblysynyń polıseıleri áleýmettik jelilerge monıtorıń jasaý kezinde jol qozǵalysy erejesin buzǵan júrgizýshiniń beınejazbasyn anyqtady. Ol kólik júrýge bolmaıtyn Qoja Ahmet Iasaýı kesenesiniń aldyndaǵy aleıada Hyundai Sonata avtokóligimen júrip ótip, jaıaý júrginshilerge qaýip tóndirgen, - dep habarlaıdy Almaty-akshamy.kz otyrar.kz arnasyna silteme jasap.
Túrkistan polısıa basqarmasynyń qyzmetkerleri dereý izdestirý sharalaryn júrgizip, kólikti aıdaǵan jas jigitti anyqtady. Ol Saýran aýdanynyń turǵyny bolyp shyqty.
«Júrgizýshi kesene mańyndaǵy tamaqtaný ornynan shyǵyp, jol qysqartý nıetimen zańdy buzǵan. Ol óziniń kinásin tolyq moıyndap, aldaǵy ýaqytta qaıtalamaıtynyn aıtqan»,-delingen polısıa málimetinde.
Qazirgi tańda QR Ákimshilik quqyq buzýshylyq týraly kodekstiń 597-babynyń 2-bóligi (Kólik quraldaryn trotýarda toqtatý nemese onyń toqtap turý qaǵıdalaryn buzý, sondaı-aq kólik quraldaryn gúlzarlarda, kógaldarda, balalar nemese sport alańdarynda toqtatý nemese onyń toqtap turýy) boıynsha hattama toltyrylyp, kólik aıypturaqqa qoıyldy.