Iadrolyq medısına bizdiń densaýlyq saqtaý júıemizde sheshýshi ról atqarady. Ol tek onkologıalyq aýrýlardy erte anyqtap qana qoımaı, olardyń tıimdi emdelýine de yqpal etedi.
Aýrýlardy erte kezeńde anyqtaý emdeý sáttiliginiń negizgi faktorlarynyń biri bolyp tabylady, sebebi isik jasýshalarynyń taralýy bastalmaı turyp, naqty jáne der kezinde em júrgizýge múmkindik beredi.
Bul ádis pasıenttiń ómir sapasyn jaqsartyp, uzaq merzimdi oń nátıjelerge jetýge yqpal etedi.
Qazaqstanda bul sala qarqyndy damyp, zamanaýı tehnologıalardy engizý arqyly medısınalyq qyzmetterdiń sapasyn arttyrýǵa múmkindik beredi.
Pozıtrondy-emıssıalyq tomografıa (PET-KT) men bir fotondy emısıalyq kompúterlik tomografıa (OFEKT-KT) sıaqty tehnologıalar naýqastarǵa naqty dıagnoz qoıýǵa, aýrýdyń kezeńin anyqtaýǵa jáne emdeý strategıasyn durys tańdaýǵa múmkindik beredi. Bul ádister metabolıkalyq jáne anatomıalyq málimetterdi biriktirip, dálirek dıagnostıkaǵa jol ashady.
Iadrolyq medısınanyń joǵary dáldigi men sezimtaldyǵy onkologıalyq isikterdi anyqtaýda úlken artyqshylyqtarǵa ıe, jáne bul baǵytta zertteý men damýdyń aldaǵy kezeńderi eldegi densaýlyq saqtaý júıesiniń sapasyn aıtarlyqtaı jaqsartýǵa kómektesedi.