Keshegi oqıǵaǵa qatysty Bıshimbaevtyń burynǵy áıeli pikir bildirdi.
Erli-zaıypty 2020 jyly, eks-mınıstr túrmeden shyqqannan keıin bir jyldan soń ajyrasqan, dep habarlaıdy Almaty-akshamy.kz
Qýandyq Bıshimbaevtyń burynǵy áıeli Nazym oqıǵaǵa qatysty pikir bildirdi.
Bul týraly jazǵan Tengrinews.kz málimetinshe, Nazym birneshe jyl buryn Qýandyq Bıshimbaevpen resmı túrde ajyrasqanyn rastady. Onyń aıtýynsha, keshe oqıǵaǵa baılanysty oǵan kóptegen qońyraý túsken.
"Iá, bul - sumdyq. Qońyraýlar kele bastaǵanda, ne bolyp jatqanyn múlde túsinbedim... Shok", - dedi Bıshimbaevtyń burynǵy áıeli.
Nazymnyń aıtýynsha, ol Qýandyq Bıshimbaevpen resmı nekede 14 jyl bolǵan. Erli-zaıypty 2020 jyly, eks-mınıstr túrmeden shyqqannan keıin bir jyldan keıin ajyrasqan. Olardyń úsh balasy bar.
"Biz 2020 jyldyń 5 qazanynan bastap resmı túrde ajyrasqanbyz, birge turmaǵanymyzǵa odan kóp boldy. Biz sırek aralasatynbyz, tek balalar taqyrybynda. Balalarǵa kómektesetin, aralasatyn, biraq sońǵy jyly óte sırek. Bul - tragedıa. Saltanattyń otbasyna qaıǵyryp, kóńil aıtamyn", - dedi Qýandyq Bıshimbaevtyń burynǵy áıeli Nazym.