Talǵar aýdanynyń polısıa basqarmasy keıbir kúdiktilerdiń probasıa qyzmetinde esepte turǵany týraly qaýesetterge baılanysty tekserý júrgizýdi ýáde etti.
«Polısıa jedel áreket etti. Aldymen jeti kúdikti, keıin taǵy úsh adam ustaldy. Jergilikti polısıaǵa tekserý júrgizilýde, nelikten probasıadaǵy adamdar túnde júrgenin anyqtaý kerek. „Hýtorskıe“ qylmystyq toby polısıa bazasynda joq. Qazir Sherzattyń ákesiniń qolynda pyshaqqa uqsas zat bolǵan-bolmaǵany boıynsha saraptama júrgizilip jatyr», — dep málimdedi ishki ister mınıstriniń orynbasary Baýyrjan Alenov.
Sonymen qatar, Alenov bul istiń erekshe baqylaýda ekenin aıtty:
«Alaıda, qazir kóptegen alyp-qashpa áńgimeler men jalǵan aqparattar taralýda. Bul tergeý tobynyń jumysyna kedergi keltiredi, óıtkeni olar qazirdiń ózinde úlken qoǵamdyq qysymǵa ushyraýda. Tergeý qupıasy bar, biraq jalǵan aqparattyń taralýyn toqtatý úshin biz búgin brıfıń ótkizýge sheshim qabyldadyq».