Endi Almatynyń mamandandyrylǵan HQO-larynda teorıalyq emtıhandy Memlekettik korporasıa qyzmetkerleri qabyldaıdy6 dep habarlaıdy almaty-akshamy.kz
Mamandandyrylǵan halyqqa qyzmet kórsetý ortalyqtarynda teorıalyq emtıhan tapsyrýdyń jańa erejeleri engizildi. Endi emtıhan qabyldaýdaǵy uıymdastyrýshylyq-tehnologıalyq prosesterin Memlekettik korporasıa júzege asyrady. Buryn muny aýtsorsıngtik kompanıalar jasaıtyn edi.
Bul jańashyldyq «Azamattarǵa arnalǵan úkimettiń» mamandandyrylǵan HQO-larda klıentterdiń sapasyz qyzmet kórsetý týraly shaǵymdarynyń jıi túsýimen baılanysty. Osyndaı keleńsizdikterdi joıý úshin Memlekettik korporasıa testileý úderisin derbes uıymdastyrýǵa sheshim qabyldady. Osylaısha, testileýdiń sapasy ǵana emes, qaýipsizdigi de artady.
Bul rette, buryn teorıalyq testileý Jol qozǵalysy erejeleri 2.0 júıesi arqyly júrgizilgenin atap ótemiz. 16 qazannan bastap Memlekettik korporasıa jol qozǵalysy erejesiniń jańa 3.0 júıesine kóshti. Onyń arqasynda júrgizýshi kýáligin alý prosesi ashyq ári ádil ótýde.
Teorıalyq emtıhandy tapsyrý kezinde testileý barysyn aýdıo jáne beınejazbaǵa túsirý múmkindigi júzege asyrylǵanyn aıta ketken jón. Bıometrıalyq jeke sáıkestendirý júrgizýshi kýáligin alýǵa emtıhan qabyldaý qaǵıdalaryna engizilgen ózgeristerge sáıkes te júrgiziledi.
Sonymen qatar, Memlekettik korporasıa buǵan deıin emtıhan qabyldaý bólmelerine beınebaqylaý engizgen bolatyn. Bul rette kez kelgen adam kútý zaldarynda da, onlaın rejıminde de ótip jatqan emtıhandy kóre alady. Kómekshi qural-jabdyqtardy paıdalanyp ustalǵan klıentter 3 aıǵa emtıhan tapsyrý quqyǵynan aıyrylǵan aıta ketkimiz keledi.
Esterińizge sala ketsek, emtıhannan ótpegen jaǵdaıda kelesi jumys kúni teorıany qaıta tapsyrýǵa bolady. Eger, synaqty eki ret teris nátıjemen tapsyrsa, qaıta tapsyrý tek bir aıdan kem emes merzimde júzege asyrylady.