19 jeltoqsannan bastap memlekettik korporasıa ádettegideı jumys isteıdi.
Táýelsizdik merekesinde elimizdegi HQKO men mamandandyrylǵan HQKO-lardyń qalaı jumys isteıtini belgili boldy, dep habarlaıdy Almaty-akshamy.kz
«Azamattarǵa arnalǵan úkimettiń» baspasóz qyzmeti habarlaǵandaı, Halyqqa qyzmet kórsetý ortalyqtary men mamandandyrylǵan halyqqa qyzmet kórsetý ortalyqtary senbi kúni demalady.
«Táýelsizdik merekesine oraı memlekettik korporasıalar senbi, ıaǵnı 16 jeltoqsanda jumys istemeıdi. Dúısenbi, 18 jeltoqsanda, saǵat 13.00-ge deıin tek kezekshi qyzmet kórsetý ortalyqtary men arnaıy qyzmet kórsetý ortalyqtary azamattardy qabyldaıdy», - delingen habarlamada.
Seısenbi, ıaǵnı 19 jeltoqsannan bastap memlekettik korporasıa ádettegideı jumys isteıdi.
«Azamattarǵa arnalǵan úkimet» ortalyqtary jumys kúnderi saǵat 9.00-den 18.00-ge deıin azamattardy qabyldaıtynyn eske saldy.
Kezekshilik qyzmet kórsetý ortalyqtary dúısenbiden jumaǵa deıin saǵat 9.00-den 20.00-ge deıin jáne senbi kúni 9.00-den 13.00-ge deıin jumys isteıdi.