Sot qamaýǵa sanksıa berdi.
Polısıanyń málimetinshe, ol negizinen Abaı dańǵyly men Masanchı kóshesiniń qıylysyna jaqyn jerde "jumys istegen", dep habarlaıdy Almaty-akshamy.kz
"Kúdikti ótip bara jatqan adamdardy muqıat baqylaǵan. Kesh jáne jalǵyz qaıtyp kele jatqan qyzdarǵa asa nazar aýdardy. Jandarynan júgirip ótip qoldarynan telefondy tartyp aldy. Sóıtip, keshki segiz jarym shamasynda ol 20 jastaǵy qyzdyń qolynan IPhone telefonyn tartyp alǵan. Jedel-izdestirý sharalary barysynda kúdikti ustaldy. Qazirgi tańda bizdiń aýdan boıynsha 7, Bostandyq aýdanynda 7 zardap shekken azamattan aryz kelip tústi. Qaskóı jasaǵan qylmysyn moıyndady. Qylmystyq is QR QK-niń 191-baby boıynsha tergelýde. Sot qamaý túrindegi bultartpaý sharasyn sanksıalady",-dedi Almaly aýdandyq polısıa basqarmasynyń bastyǵy Oljas Sháripov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.