Elimizdiń barlyq oblysynda HQKO-lar bes kún ǵana jumys isteıdi.
HQKO-lardyń jumys kestesi de qysqartylǵan, front-ofıster memlekettik qyzmetterdi tańǵy 9-dan keshki 6-ǵa deıin usynatyn bolady, dep habarlaıdy Almaty-akshamy.kz
«Azamattarǵa arnalǵan úkimet» memlekettik korporasıasynyń habarlaýynsha, bir kúnde qabyldaýy múmkin azamattardyń sany shektelip otyr.
Halyqtyń kópshiligin qamtý jáne brondaý múmkindigin qoljetimdi etý maqsatynda «Azamattarǵa arnalǵan úkimet» memlekettik korporasıasy front-ofısterde qyzmet kórsetý ýaqytyn 20 mınýttan 15 mınýtqa deıin qysqartý týraly sheshim qabyldady. Bul brondaýǵa bolatyn slottardyń sanyn 25%-ǵa arttyrdy.
Eski brondaý júıesi kezinde saǵatyna úsh ýaqyt sloty qoljetimdi edi, qazir tórtke jetti.
Naqty aıtqanda, bir qyzmetker bir saǵat ishinde 4 klıentke qyzmet kórsete alady.
Azamattardan HQKO-ǵa barǵan kezde sanıtarlyq-profılaktıkalyq normalardy saqtaý, betperde taǵý jáne áleýmettik qashyqtyqty saqtaý talap etiledi. Ǵımaratqa kirý Ashyq qosymshasy boıynsha júzege asyrylady. HQO-ǵa kezekti eGov portaly, 1414 Biryńǵaı baılanys ortalyǵy jáne @kenes1414bot telegram-bot arqyly brondaýǵa bolady.