Týrnır kestesinde quramalar sońǵy oryndarda turǵan edi
Shaıbaly hokeıden 2023 jylǵy álem chempıonatynyń elıtalyq dıvızıonynda Qazaqstan quramasy Slovenıamen kezdesti, dep habarlaıdy Almaty-akshamy.kz QazAqparatqa silteme jasap.
Týrnır kestesinde quramalar sońǵy oryndarda turǵan edi.
Slovenıalyq qurama alty oıynnan keıin bir de bir upaı ala alǵan joq. Saldarynan bir týr buryn birinshi dıvızıonǵa túsip qalatyny belgili boldy.
Al qazaqstandyq hokeıshiler bıylǵy álem chempıonatynda alty kezdesý ótkizdi. Buǵan deıin býllıtten Norvegıa men Slovakıany 4:3 esebimen jeńdi.
Al Chehıa men Kanadaǵa 1:5, Shveısarıaǵa 0:5, Latvıaǵa 0:7 esebimen jol berdi.
Búgingi kezdesýdi slovenıalyq hokeıshiler belsendi bastady.
Nátıjesinde 1-mınýtta Anje Kýralt esep ashyp ketti. Oǵan 18-mınýtta qazaqstandyq Nıkıta Mıhaılıs bir golmen jaýap qaıyrdy.
Ekinshi kezeńniń 21-mınýtynda Anje Kýralt óz quramasyn taǵy alǵa shyǵarsa, 39-mınýtta qazaqstandyq Batyrlan Muratovtyń golynan keıin qaıtadan tarazy basyn teńesti.
Úshinshi kezeńde slovenıalyq Ian Drozg 42-mınýtta mergendik tanytty, odan keıin qazaqstandyq Evgenıı Rymarev 51, Maksım Mýhametov 56-mınýtta eki shaıba soqty.
Osylaısha el quramasy qarsylasynan 4:3 esebimen basym tústi.
Eki qurama buǵan deıin on bir márte kezdesken. Segiz oıynda Qazaqstan, úsheýinde Slovenıa jeńiske jetti.
Endi 23 mamyrda jetinshi týrdyń qalǵan oıyndary ótkiziledi.
Qazaqstandyq hokeıshiler 2024 jylǵy álem chempıonaty elıtalyq dıvızıondaǵy oıynyna qatysý múmkindigin saqtap qaldy.
Dúbirli doda aldaǵy jyldyń 10-26 mamyr aralyǵynda Chehıanyń Praga jáne Ostrava qalalarynda ótedi.
Aıta ketsek, bıyl Vengrıa men Slovenıa quramalary elıtalyq dıvızıonnan túsip qaldy.