Qazaqstan jasóspirimder quramasy shaıbaly hokeıden álem chempıonatyndaǵy ekinshi oıynyn Japonıaǵa qarsy ótkizdi
Fransıanyń Anje qalasynda 1A dıvızıonynda búgin ekinshi týr oıyndary ótti, dep habarlaıdy Almaty-akshamy.kz Azattyq Ruhy-na silteme jasap.
Qazaqstandyq hokeıshiler kezdesý barysynda senimdi oıyn kórsetti. Birinshi kezeńniń 18-mınýtynda el quramasynan Artýr Gross kózdegen nysanadan múlt ketken joq.
Ekinshi kezeńde qazaqstandyq Kırıll Lápýnov 21-mınýtynda esepti ústemeleı tústi.
Úshinshi kezeńde el quramasynan Aleksandr Kım 41-mınýtta basymdyqty arttyrsa, Kırıll Lápýnov 44-mınýtta taǵy bir márte gol soqty.
Kezdesý núktesin 58-mınýtta Abaı Beısembaev qoıdy. Osylaısha qazaqstandyq hokeıshiler qarsylasynan 5:0 esebimen basym tústi.