Ońtústik Koreıa bıligi qaıǵyly oqıǵaǵa qatysty tergeý isin bastady.
El Premer-mınıstri Han Dak Sý jiti tekseris júrgiziletinine ýáde berdi. Kýágerler bolǵan jaıtqa polısıany aıyptap otyr. Qazir oqıǵa orny qorshaýǵa alyndy, dep habarlaıdy Almaty-akshamy.kz 24.kz-ke silteme jasap.
Al jaqyn mańdaǵy dúkender men qoǵamdyq tamaqtaný oryndary jabyq tur. Turǵyndar qyspaqta mert bolǵandardyń qurmetine gúl shoqtaryn ákelip jatyr. Qaıǵyly oqıǵaǵa qatysty elde 5 qarashaǵa deıin Ulttyq aza tutý kúni jarıalandy. Memlekettik Tý tómen túsirildi.
Aıta keteıik, 29 qazanda Seýlde Helloýın merekesin toılaý kezinde 154 adam mert boldy. Olardyń 26-sy - sheteldik. Arasynda Qazaqstan, Reseı, Ózbekstan, Avstralıa, Norvegıa, Shrı-Lanka, Iran jáne Qytaı azamattary bar.