Kıev pen ózge qalalardy atqylaý kúsheıgen.
Reseı tarapy Ýkraınanyń ekinshi iri qalasy Harkovti taǵy zymyranmen atqylap, 5 adam qaza tapty, dep habarlaıdy «Habar 24».
13 turǵyn jaraqat aldy. Kýágerlerdiń aıtýynsha, shaharda birneshe bomba jarylǵan. Solardyń biri kóp qabatty turǵyn úı men aýrýhanaǵa túsken. Sonymen birge bir balabaqsha qıraǵan. Osy oqıǵadan keıin qala meri shahar halqyn arnaıy oryndardy panalaýǵa nemese qaýipsiz aýdandarǵa kóshýge shaqyrdy.
Sarapshylardyń aıtýynsha, Reseı áskeri Ýkraınanyń soltústiginde qatty qarsylyqqa tap bolǵan soń Donbasqa qaraı shabýyldy údetip, Kıev pen ózge qalalardy atqylaýdy kúsheıtken.
«Hrıstıandar úshin qasıetti kúnniń ózinde de jaý Harkovti bombalaýyn qoıatyn emes. Biz toqtaýsyz bombalanyp jatqan qaýipti aýdandardan halyqty evakýasıalap jatyrmyz. Men únemi oq borap turǵan osyndaı aýmaqtardaǵy turǵyndardy ózge qaýipsiz aýdandarǵa kóshýge shaqyramyn. Sizderge bizdiń eriktiler kómektesedi»,- dedi Harkov qalasynyń meri Igor Terehov.