Jazǵy kanıkýl kezeńinde Almaty qalasy ákimdigi HÁOT sanatyndaǵy balalarǵa arnalǵan Ortalyq mádenıet jáne demalys saıabaǵynda atraksıondaryn tegin paıdalaný máselesin pysyqtady, dep habarlaıdy almaty-akshamy.kz
Tıisti usynysty saıabaq ákimshiligi qoldady. Sonymen, saıabaqta atraksıondarǵa tegin kartochkalar berý týraly sheshim qabyldandy. Bul aksıa Almaty turǵyndary úshin qoljetimdi.
Anyqtama: osy aksıamen HÁOT (halyqtyń áleýmettik osal toptary) sanatyndaǵy 22 myń balany qamtý josparlanýda.
Bul kartalar kez-kelgen atraksıondar men karýselderge, sonyń ishinde barlyǵynyń súıikti «Sepochka», «Koleso obozrenıa» jáne katamaranmen júrýge múmkindik beredi. Atraksıondardy tegin paıdalaný 15 shildeden bastap qol jetimdi bolady.
Kartochkalardy alý úshin «Altyn Taraz» JSHS keńsesine Gogol kóshesi, 1 mekenjaıy boıynsha (OMjS aýmaǵynda) habarlasý qajet. Ózińizben birge balanyń týý týraly kýáligi (kóshirmesi nemese elektrondy túrde) bolýy mindetti. Anyqtama telefony: +7 (705) 892-75-24.
Sonymen qatar, balalarǵa qoǵamdyq birlestikterdiń (múgedekter úıleri, sańyraýlar qoǵamdary, balalar úıleri, mektep-ınternattar jáne t.b.) ótinimderi boıynsha atraksıondarǵa tegin barý quqyǵy beriledi.
Sondaı-aq, saıabaqta tegin nysandar bar: fýtbol alańy, basketbol alańy, kónkı parki, rollerdrom, ústel tenısi alańy. Jaz mezgilinde ár senbi jáne jeksenbi kúnderi balalar qalashyǵynyń sahnasynda balalarǵa arnalǵan eki saǵattyq tegin shoý baǵdarlamalary bolady. Saıabaq ákimshiligi barlyq is-sharalardy ótkizýge ketetin shyǵyndardy óz moınyna aldy.