Qazaqstandyqtar bir aıda polısıaǵa 1272 atys qarýyn óz erkimen tapsyrǵan.
QR İshki ister mınıstrliginiń ókili Shuǵyla Turlybektiń aıtýynsha, qazaqstandyqtar bir aıda polısıaǵa 1272 atys qarýyn óz erkimen tapsyrǵan, dep habarlaıdy Almaty-akshamy.kz QazAqparatqa silteme jasap.
«İshki ister mınıstrliginiń halyqtan zańsyz saqtaýdaǵy atys qarýyn, oq-dáriler men jarylǵysh zattardy satyp alýǵa baǵyttalǵan respýblıkalyq aksıasy jalǵasyp jatyr. Óz erkimen tapsyrylǵan qarýdyń jaı-kúıine qaraı ár danasy úshin 10 aılyq eseptik kórsetkishten (31 800 teńge – red) 100 AEK-ke deıin (318 000 teńge –red.) tólem kózdeledi. Aksıa bastalǵan aıdyń ishinde turǵyndar polısıaǵa 1272 dana atys qarýyn óz erkimen tapsyrdy. Onyń ishinde 1 oıyq uńǵyly avtomat, 188 uzyn oıyq uńǵyly myltyq, 4 qysqa oıyq uńǵyly avtomat, 1067 tegis uńǵyly myltyq, 12 travmatıkalyq qarý, 5 jarylǵysh qurylǵy jáne oıyq uńǵyly myltyqtyń 9,5 myńǵa jýyq oǵy bar», - dedi İİM ókili vedomstvonyń onlaın brıfıńinde.
Sondaı-aq, Shuǵyla Turlybek tirkelmegen atys qarýyn, oq-dári men jarylǵysh zattardy óz erkimen tapsyrǵan azamattar qylmystyq jáne ákimshilik jaýapkershilikke tartylmaıtynyn eske saldy. Atalǵan brıfıńte bir aptanyń ishinde respýblıka boıynsha 3184 qylmys tirkelgeni málim etildi.