Shyn máninde, Gaagadaǵy Halyqaralyq sot mundaı isterdi qaraǵan joq. Sot saıtynda bir ýaqytta genosıd pen pandemıaǵa qatysty sot isi týraly aqparat joq.
Whats‘App messendjerinde COVID-19 pandemıasy búkil álemde aıaqtalady, óıtkeni Gaagadaǵy Halyqaralyq sot ony genosıd dep tanydy jáne onyń paıda bolýy men damýyna qatysy bar birqatar adamdar sottaldy degen aqparat tarady. Munyń bári ótirik, dep habarlaıdy Almaty-akshamy.kz Stopfake.kz saıtyna silteme jasap.
Sot COVID-19 pandemıasyn genosıd dep tanydy degen qaýeset keıbir buqaralyq aqparat quraldarynda Halyqaralyq jalpy quqyq soty osyndaı sheshim shyǵardy degen aqparat jarıalanǵannan keıin tarady. Alaıda, bul sheshimniń zańdy kúshi joq, óıtkeni sottyń ózi resmı túrde joq jáne ony eshkim esh jerde moıyndamaıdy. Ony qurýshy – qastandyq ıdeıalaryn taratyp, dáriptegeni úshin jumystan shyǵarylǵan burynǵy pastor Kevın Annet. Ol sondaı-aq Kanada aýmaǵynda óziniń eshkimge tanylmaǵan Kanata respýblıkasyn quryp, memleket tolyǵymen legıtımdi dep málimdedi.
Tirkelmegen sottyń sheshimi týraly alǵashqy habarlamada 75 adam «aıypty» dep tanyldy, onyń ishinde Rım Papasy, Patshaıym Elızaveta II, Kanada premer-mınıstri Djastın Trúdo, Pfizer bas dırektory Albert Býrla jáne t.b. bar. Onda Elbasy men QR Prezıdenti týraly aıtylǵan joq. Iaǵnı, aýdıohabarlamanyń bul bóligin habarlama avtory oıdan shyǵarǵan.
Demek, Gaagadaǵy Halyqaralyq sot COVID-19 pandemıasyn genosıd dep moıyndaǵan joq jáne mundaı shaǵymdardy qarastyrmaǵan. Mundaı sheshimdi joq elde qurylǵan sot shyǵarǵan, sondyqtan ony shyn dep qabyldaýdyń qajeti joq.