Chempıonat aıasynda túrli jattyǵýlar boıynsha 25 medal sarapqa salyndy
Qorǵanys mınıstrligi Ortalyq sport klýbynyń ókilderi «Dınamo» dene shynyqtyrý-sport qoǵamy Ortalyq keńesiniń ashyq chempıonatynda oq atýdan sátti óner kórsetti, dep habarlaıdy Almaty-akshamy.kz.
Almaty qalasynyń «Otan» atqyshtar tıri bazasynda ótken týrnırge Qazaqstan, Qyrǵyzstan jáne Ózbekstannan 150-ge jýyq sportshy, onyń ishinde Qorǵanys mınıstrliginiń ortalyq sport klýbynyń tórt ókili qatysty.
– Bul jarystyń deńgeıi óte joǵary, óıtkeni sheteldik sportshylar, túrli kúshtik qurylymdardyń ókilderi qatysady. Bul joǵary básekelestikti qamtamasyz etedi. Bizdiń sportshylar júz paıyzǵa jaqsy nátıje kórsetti, –dep atap ótti komandanyń jattyqtyrýshysy serjant Olga Vajnına.
Chempıonat sheńberindegi túrli jattyǵýlarda barlyǵy 25 medal jıyntyǵy oınaldy.
Ortalyq sport klýbynyń ókili Elena Feınberg shaǵyn kalıbrli (MP-5) jáne pnevmatıkalyq tapanshalardan (PP-mix) atýdan 2 altyn medal jeńip aldy. Leıtenant Janel Serikbaeva kishi kalıbrli myltyqtan atý men MV-5 jáne MV-9 jattyǵýlarynda erekshelenip, tıisinshe kúmis, qola medaldi ıelendi. Dará Kalınına kishi kalıbrli myltyqtan (MV-9) atý kezinde komandanyń qorjynyna «kúmis» ákelse, serjant Dıana Harchenko shaǵyn kalıbrli tapanshadan (MP-5) atý jattyǵýynda qo medjaldi mise tutty.