«Alatau» dástúrlí óner teatrynda Respublıka kúní qarsańynda talantty kompozıtor Temírjan Bazarbaevtyń 90 jyldyq torqaly toıyna oraı, múmkíndígí shekteulí zaǵıp ánshíler arasynda ótken Í halyqaralyq «Ekí jūldyz» án festıvalí máresíne jetíp, jańa jūldyzdar ónerdíń kógínde júzdí.
Kóńíl-kúıdí kókírek kózímen kórgen
Būdan segíz jyl būryn respublıka aumaǵynda ǵana ūıymdastyrylyp kelgen atalǵan festıval bıyl halyqaralyq dárejede ūıymdastyrylyp, Ózbekstan, Qyrǵyzstan, Túrkıya memleketterínen kelgen ónerpazdardy qūshaq jaya qarsy aldy. «Alatau» dástúrlí óner teatrynyń aldyna aq lımuzın kólígímen saltanatty túrde jetkízílíp, qyzyl kílem arqyly júríp ótken óner kóshín «Ekí jūldyz» jobasynyń avtorlary – bírneshe respublıkalyq jáne halyqaralyq baıqaudyń laureattary, apaly-ínílí Nūrbek Ǵızatov pen «Óner būlaǵy» qoǵamdyq qorynyń prezıdentí Bátıma Saǵynǵalıqyzy, halyqaralyq «Ekí jūldyz» án festıvalíníń dırektory, qazaq óneríníń qaıratkerí, Qazaqstan Respublıkasynyń mádenıet qaıratkerí, Prezıdenttíń Qūrmet gramatosynyń ıegerí, kınorejısser, ánshí Ǵazızhan Ádílhanov bastap berdí. Al, sahna shymyldyǵyn Almaty qalasy kóru múmkíndígí shekteulí jandardyń demalysyn ūıymdastyru bólímíníń «Ata mūra» ūlt-aspaptar ansamblí «Kórūǵly» kúıímen ashty.
«Ekí jūldyz» dál búgín samǵar kókke,
Jaryǵyn shashyp ótsín tóńírekke.
Qazaqtyń án mūrasy máńgí jasap,
Máńgí ólmeıtín án qalsyn bar júrekte!
– dep mánerlí óleńímen sóz bastaǵan ásem júrgízushíler – «Alatau» dástúrlí óner teatrynyń ártísterí Bıbígúl Orazbekqyzy men Arhımed Omar kórermenmen amandasyp, «Alatau» dástúrlí óner teatry dırektorynyń orynbasary Aqbergen Jūmabaev óner festıvalíne qūttyqtauynjoldady.
Ekí kún boıy úsh shet memleketten, toǵyz aımaǵymyzdan jıylǵan 14 jūp ánshí sahna kórígín qyzdyryp, júrekterdí terbetíp, kórermen kózaıymyna aınaldy. «Ándí súıseń – menshe súı» dep ūly Abaı aıtpaqshy, tyńdaushynyń qūlaǵyna jetken áserlí án onyń júregíne nūr shashqandaı. Qasıettí topyraqtyń erekshelígín ánge qosyp, ańsau men saǵynyshty arqau etken kompozıtor Temírjan Bazarbaevtyń «Auylym», saǵynysh pen ańsauǵa toly «Qazdar qaıtqanda» ánderí kıelí sahnada áldeneshe ret shyrqalsa da, ánsúıer qauymnyń qūlaq qūryshyn qandyrǵandaı.
Ádílqazy alqasyndaǵy Respublıkamyzdyń mádenıet qaıratkerlerí, dástúrlí ánshíler Alma Amanjolova, Sanduǵash Stamǵazıeva, halyqaralyq, respublıkalyq án baıqaularynyń júldegerí Duman Jaqanbaev, akter Esenaı Ilyasovqa jeńímpazdy anyqtau da ońaıǵa túspegení ras. Ár duet óner kórsetken saıyn baǵalaushylar «5»-ten «10»-ǵa deıíngí baǵa beríp, onyń da sebep-saldaryn ashyp aıtyp otyrdy.
Ata-anadan jastaıynan jetím qalyp, taǵdyrdyń basqa salǵanyn kóríp, qanshama qınalsa da, bozbala Temírjan ómír tolqynynda shyńdalǵan.Óner baıqauyna baq synauǵa kelgen ónerpazdar daqos janarynyń qadírín qatty sezíngen dáp sondaı kúresker jandar. Ekí kúndík dodada jaryq dúnıení kózben kórmese de, kókírek kózímen sezíngenkásíbılíkke ūmtylǵan ánshílerdíń joly boldy. Bírí kolledjde, bírí konservatorıyada oqıtyn jas daryndar – Nūrdana Arǵyn men Aısūlu Tūrymbek baıqauǵa ūsynǵan ekí ánímen de oq boıy ozyq shyqty. «Qazdar qaıtqanda» ánín syzylta shyrqaǵan jūp Mūqaǵalı Maqataevtyń sózíne jazylǵan Altynbek Qorazbaevtyń «Sary ala qaz» ánín oryndap, shabyttyń shyrqau shegíne kóterílíp, Gran-Prı júldesín alǵausyz jeńíp aldy. Olarǵa «Ekí jūldyz» músínshesí men 500 myń teńgeníń sertıfıkaty ūsynyldy.
Kóńíl qūsyn shartarapqa shalqytqan
Bírínshí júldelí oryndy qazaqtyń qara dombyrasyn qasterlegen Alǵysbek Dáuen men Erhat Tájíbaev aqyn Ahmet Kendírbaevtyń sózíne jazylǵan kompozıtor Temírjan Bazarbaevtyń ūmytylyp bara jatqan «Saǵynysh» atty ánín jańǵyrtyp, ádemí oryndauymen kórermen men ádílqazy nazaryn bírden ózíne audardy. Jígítter de jarqyraǵan «Ekí jūldyz» músínshesín ıeleníp, 300 myń teńgeníń júldesín qanjyǵasyna baılady.
Ekínshí orynǵa Ózbekstan Respublıkasy, Tashkent qalasynan kelgen Suraehon Karımova men Azızjon Kosımov laıyq dep tanyldy. «Qazdar qaıtqanda» ánín ózbekshe órnekpen árlep, shyrqau dauyspen án syzyltqan súıkímdí jūp kóptíń qoshemetíne á degennen-aq bólendí. Ekínshí oryndy jeńíp alǵan ekínshí duet – qaraǵandylyq Ekaterına Abısheva men Emına Vysochınskaya būl ándí djaz stılíne salyp, tartymdy jetkízuímen erekshelendí. Būl jūptar 200 myń teńgelík júldesímen súıínshílendí.
Al Semeıden kelgen tamasha vokalıster Aısha Omarbekova men Gúlzıya Baıjūmanova Temírjan Bazarbaevtyń «Jańa jerler, jasyl kólder» atty sırek shyrqalatyn ánín pash etíp, úshínshí oryndy jeńíp alsa, shymkenttík Áset Seríkbaı men Ákímjan Ómírtaı gıtaramen sheber oryndaushylyq tanytyp, júldegerler qataryna ílíndí. Úshínshí oryn ıeleríne 100 myń teńgeníń sertıfıkaty ūsynyldy.
Sondaı-aq, «Kórermen kózaıymy» júldesí túrík halqynyń ázız ánímen qonaqkádesín jasaǵan Redjep Saıgyly men Kamıl Gechmenge būıyrdy. Aqtaudan at aryltyp kelgen Shynar Nıetqalıeva men Ótegen Bazarbaev «Eń ádemí ánshíler» atansa,«Akterlík sheberlígí úshín» degen atauǵa ónerge degen ynta-jígeríníń arqasynda óskemendík qos ónerpaz Dınara Ábílqaıyrova men Maǵzat Mūqashev laıyq boldy. Qyrǵyz elínen kelgen aıyr qalpaqty aǵaıyndar – Mars Jakupov pen Ernısbek Jumagulov bayan men komuzdy úılestíre án shyrqap, «Eń myqty súıemeldeushí» atandy.
Halyqaralyq dárejedegí mūndaı ís-sharany ótkízu atymtaı jomart demeushílersíz qıyn ekení anyq. Aqshalaı jáne zattaı demeushílígín ayamaǵan qaıyrymdy, ónerge janashyr azamattar da «Alǵys hatpen» marapattaldy. Olar: «Tarbaǵataı» meıramhanasynyń basshysy Amına Tūrysbekqyzy Tólekova, «ADD» qonaqúıíníń basshysy Aınagúl Balabıeva, «KazPRO ENERGY» JShS-íníń basshysy Arman Erkebūlanūly Sarynov, «Dáulet-Beket» JShS-íníń basshylary Sydyq Beket pen Aqmaral Sydyqqyzy, Qoja-Ahmet Iassauı qorynyń tóraǵasy Djurahodja Tashodjaev, kásípkerler Gúlsara Suazqyzy, Maral men Janbolat Bekmūsaevtar, «Qazaq analary – dástúrge jol» respublıkalyq qoǵamdyq bírlestígí Almaty oblysy Íle audany fılıalynyń tóraıymy Kámıla Saparhaıyr, osy bírlestíktíń mártebelí múshesí Bayan Ahmetova syndy demeushíler bolsa, festıvalge aqparattyq demeushí bolǵan «Almaty aqshamy», «Alatau» telearnasy, «Qazaqstan dáuírí», «Úsh qońyr» gazetterí men «Igílík» jurnalynyń basshylaryna «Alǵys hat»ūsynyldy.
Sondaı-aq, gala-kontsertte Almaty qalasy Sańyraular mádenıet úıíníń ónerpazdary: mamyr aıynda Abaı oblysy, Semeı qalasynda ótken KSRO Halyq ártísí, qazaqtyń būlbūl kómeı ánshísí Bıbígúl Tólegenovanyń 95 jyldyq mereıtoıyna arnalǵan ymdap án aıtu boıynsha H respublıkalyq baıqaudyń Gran-prı júldesín jeńíp alǵan Anastasıya Samoılova men Eldos Maratūlynyń «Zerkala» duetí, halyqaralyq baıqaulardyń laureattary Alım Mendıbaev pen Laura Korolevanyń órelí ónerí kórermen kóńílínen shyqty.
... Sazgerlík ízgílíktí ízge túsíp, eleulí eńbegímen babalar únín ūlyqtap, ūrpaqtarǵa jetkíze bílgen talant ıesí, Qazaqstannyń eńbek síńírgen qaıratkerí Temírjan Bazarbaevtyń maǵynaly ǵūmyryndaǵy sanaly ómír soqpaǵy ómírsheń ónerge osylaısha sara jol saldy. Álí talaı zerdelí zertteudí qajet etetín Temírjan kókemízdíń kókírek-kózdí ashyp, kóńíl qūsyn shartarapqa shalqytatyn ánderí el-jūrtyn shattyq qūshaǵyna bóleı beretíníne bek senímdímíz.