«Wikistrat Global Consultancy» aǵa ǵylymı qyzmetkeri, táýelsiz baqylaýshylar mısıasynyń AQSH atynan múshesi Rıchard Ýılám Vaıs búgin halyqaralyq baqylaýshylar tobynyń quramynda jumys istedi. Ol Almatyda ótken saılaýdyń barlyq standarttarǵa sáıkes ótkenin atap ótti.
Saılaý kúni ol megapolıstiń ár túrli aýdandaryndaǵy 20 saılaý ýchaskesinde bolǵan, olardy baqylaǵannan baqylaýshy oń áserde qalǵan.
«Ýchaskelerdiń ákimshiligi óz jumystaryna jaýapty qarady, olardyń óz isterine jaýapkershilikpen qaraǵandaryna kóńilim toldy. Olardyń jumystary ońaı bolǵan joq», - dedi Rıchard Ýılám Vaıs.
Halyqaralyq baqylaýshy Qazaqstandaǵy saılaý men AQSH-daǵy saılaýdyń aıyrmashylyqtary baryn aıtty. Onyń elinde saılaý naýqany men saılaýaldy úgit-nasıhatqa kóberek ýaqyt beriledi eken, Amerıkada ol naýqan saılaý óterden edáýir ýaqyt buryn bastalady.
Biraq spıker bunyń eskertý emes ekenin atap ótti.
Baspasóz konferenssıasy barysynda baqylaýshy qoǵam ókilderinen, partıadan baqylaýshylardy shaqyratyn qazaqstandyq tájirıbeniń qyzy bolǵanyn aıtty. Onyń oıynsha, bul qyzyq ádis, Amerıkada ondaı tájirıbe joq eken.
«Men úshin bul tájirıbe paıdaly boldy. Men ol adamdarmen sóılestim, suraqtarymdy qoıdym», - dedi Rıchard Ýılám Vaıs.
Jergilikti saılaý komısıalarynyń taǵy erekshelegen tusy – múmkindigi shekteýli adamdarǵa daýys berý múmkindiginiń jasalǵany boldy. Almatynyń saılaý ýchaskeleri sıfrlandyrylǵan.
Qorytyndylaı kele, Rıchard Ýılám Vaıs erteń, 21 qarashada Astanaǵa jolǵa shyǵatynyn aıtty, onda ol osy jumysyn jalǵastyrady, onda sarapshylarmen kezdesedi, AQSH-na qaıtqannan keıin esep jazýǵa kirisedi.