Kórmeni 2021 jyldyń 14 qarashasyna deıin tamashalaýǵa bolady.
Á. Qasteev atyndaǵy QR Memlekettik óner mýzeıinde Almatydaǵy Reseıdiń Bas konsýldyǵy men Qazaqstan Respýblıkasyndaǵy «Rossotrýdnıchestvo» ókildiginiń qatysýymen 2021 jyly 4 qarashada saǵat 13.00-de kórmeniń besinshi mereıtoılyq saltanatty ashylý rásimi bolady, dep habarlaıdy Almaty-akshamy.kz
«MÁŃGİLİK BİRGEMİZ» atty kórme adamzattyń ǵaryshqa tuńǵysh ret ushqanyna 60 jyl tolýy men Qazaqstandaǵy «Balalar men jasóspirimderdiń oqýyn qoldaý» jylyna arnalǵan.
«Máńgilik birgemiz» avtorlyq ıntererlik qýyrshaqtardyń halyqaralyq mereıtoılyq kórmesi Á. Qasteev atyndaǵy QR Memlekettik óner mýzeıinde oqýshylardyń kúzgi demalys kúnderinde besinshi ret ótedi. Kórmege avtorlyq ıntererlik qýyrshaq óneriniń túrli baǵytyn kórsetetin 100-den astam sheber men shyǵarmashylyq birlestikter qatysady. Kórme bolǵan burynǵy tórt jyl ishinde Reseı, Qazaqstan, Túrkıa, Fransıa, Belgıa, Qyrǵyzstan, Belorýssıanyń 120-dan astam qýyrshaqshy sheberleri óz ónerlerin kórsetken bolatyn. Olardyń shyǵarmalaryn kórmege kelgen 30000-daı adam kórip, tamashalady. 2021 jyly kórmege qoıylǵan týyndylardyń taqyryby – «Alys jáne jaqyn juldyzdar».
Kókshetaýlyq sheber Anastasıa Elıseevanyń «Gagarın. «Ǵaryshta tuńǵysh ret» dep atalatyn jumysy mereıtoılyq 2021 jylǵy ekspozısıanyń resmı qýyrshaǵy bolyp otyr. «Máńgilik birgemiz» avtorlyq ıntererlik qýyrshaqtar jobasy tarıhynda osy qýyrshaq alǵash ret 2021 jyly 8 jeltoqsanda júk kemesimen Halyqaralyq ǵarysh beketine jetkizilip, qaıtyp kelgen soń ol Halyqaralyq ǵarysh beketinde reseılik kıno tobynyń quramynda ushqan aktrısa Iýlıa Peresıldke tapsyrylatyn bolady.
