Almatyda "Halyq qatysatyn búdjet" jobasyna ótinim qabyldaý jalǵasyp otyr. Jobany "Almaty damý ortalyǵy" aksıonerlik qoǵamy qolǵa alǵan. Ótinimder 2025 jyly 30 qyrkúıekke deıin qabyldanady.
Búgingi tańda qala turǵyndarynan 1 606 usynys qabyldandy. Almatylyqtar aýmaqty kógaldandyrý, aýlalar men qoǵamdyq keńistikterdi abattandyrý, trotýarlar men aryqtardy jóndeý, balalar jáne sport alańdaryn ornatý, sondaı-aq sanıtarlyq tártipti jaqsartýǵa baǵyttalǵan bastamalar usynǵan.
Ótinimdi onlaın rejımde budget.open-almaty.kz platformasy arqyly berýge bolady.
Ótinimde kórsetilýi qajet:
• jobanyń ataýy men qysqasha sıpattamasy;
• nysannyń naqty mekenjaıy;
• foto nemese eskız;
• shyǵynnyń aldyn ala smetasy.
Qatysý sharttary:
• bir adam - bir ótinim- bir nysan;
• nysan jalpyǵa ortaq jáne ótinish berýshiniń aýdanynda ornalasýǵa tıis;
• jobada eń kóp búdjet - 294,9 mln teńge.
Ótinim qabyldaý aıaqtalǵannan keıin barlyq joba saraptamalyq keńester men aýdan ákimdikteriniń qaraýyna jiberiledi. Eń kóp daýys jınaǵan bastamalar 2026 jyly júzege asyrylady.
"Almaty damý ortalyǵy" aksıonerlik qoǵamy daýys berý barysy men qorytyndylary, sondaı-aq, tańdalǵan jobalardyń júzege asyrylýy týraly turǵyndardy habardar etip otyrady.
Qosymsha suraq týyndasa turǵyndar aýdan ákimdikterine nemese Open Almaty Qoǵamdyq qabyldaýyna myna telefon arqyly habarlasa alady: 224 39 29 (ishki 203).