Almatyda «Halyq qatysatyn búdjet» jobasyna ótinim qabyldaý aıaqtaldy. Naýqan 1 qyrkúıekten 30 qyrkúıekke deıin ótti. Osy ýaqyt ishinde qala turǵyndary 4 632 bastama usyndy, dep habarlaıdy Aqshamnews.kz tilshisi.
Almatylyqtar aýmaqty kógaldandyrý, aýla men qoǵamdyq keńistikterdi abattandyrý, trotýar men aryqty jóndeý, balalar jáne sport alańdaryn ornatý boıynsha joba usyndy. Sondaı-aq, qalany taza ári jaıly etýge baǵyttalǵan ıdeıalar da bar.
Ótinimder onlaın formatta budget.open-almaty.kz platformasynda qabyldandy.
Qatysý sharttary:
• bir adam - bir ótinim - bir nysan;
• nysan jalpyǵa ortaq bolýy jáne ótinim berýshiniń aýdanynda ornalasýy tıis;
• jobada eń kóp búdjet - 294,9 mln teńge.
Kelesi kezeńder:
• 1-12 qazan: aýdan ákimdikteri janyndaǵy sarapshylar jobalardy tekseredi;
• 19 qazanǵa deıin: avtorlar ıdeıasyn pysyqtaı alady;
• 20-26 qazan: jańartylǵan ótinimder qaralady;
• 27 qazan - 9 qarasha: turǵyndardyń daýys berýi;
• 10-16 qarasha: qorytyndy shyǵarý;
• 17-18 qarasha: búdjet ótinimderin qalyptastyrý;
• 2026 jyl: jeńimpaz jobalardy júzege asyrý.
«Almaty damý ortalyǵy» AQ baspasóz qyzmeti árbir kezeńdi turǵyndarǵa habarlap otyrady.