2022 jyly qala turǵyndary úshin qalalyq ortanyń jaılylyǵyn jaqsartý maqsatynda Alataý aýdanynda 36 qoǵamdyq keńistik salynyp, 53 aýlaǵa kúrdeli jóndeý júrgizildi, sondaı-aq 63 úıdiń fasadtary jańartyldy.
Bıyl bul baǵyttaǵy jumystar jalǵasyn tappaq. Bul týraly Almaty ákimi E.Dosaev Alataý aýdany turǵyndarymen ótken kezdesýde aıtty, dep habarlaıdy Almaty-akshamy.kz.
«Halyq qatysatyn búdjet» baǵdarlamasy boıynsha 37 jobany iske asyrý josparlanǵan. Balalar alańdary men vorkaýt aımaqtary, fýtbol alańdary, basketbol jáne voleıbol alańdary, jaıaý júrginshiler aımaqtary, saıabaqtar, t.b. salynady.
Aýla ishindegi aýmaqtardyń jaǵdaıyn jaqsartý úshin shuńqyr úlgisindegi 45 konteınerlik alań ornatylyp, 23 aýlaǵa aǵymdaǵy jóndeý júrgiziledi, sondaı-aq Saıaly jáne Aqbulaq shaǵyn aýdandaryndaǵy qalǵan 63 úıdiń fasadtaryn jańartý aıaqtalady.
Budan basqa 2023 jyldyń sońyna deıin aýdannyń barlyq 19 jerústi jaıaý júrginshiler ótkeline kúrdeli jóndeý júrgizilip, lıftiler men pandýstardyń jumysy retke keltiriledi.
Osy jyldyń sońyna deıin "Zerdeli" shaǵynaýdanyndaǵy 32 úıdiń qalǵan 7-ýin nyǵaıtý jáne túzetý jumystary aıaqtalady (1/139, 1/141, 1/142, 1/144, 1/170, 1/177, 1/178). Qazirgi ýaqytta qurylysy aıaqtalmaǵan eki úıdi buzý jumystary júrip jatyr, ony osy jyldyń aqpan aıynda aıaqtaý josparlanǵan. Osy jerge skver salynatyn bolady.
Sondaı-aq, kóktemde úsh iri rekreasıalyq aımaq – "Ójet" shaǵynaýdanyndaǵy toǵandy, Boraldaı ózeniniń boıyn, "Zerdeli" shaǵynaýdanyndaǵy jasyl aımaqty abattandyrý jumystary bastalady. Jumystardy 2023 jyldyń jeltoqsan aıynda aıaqtaý josparlanǵan.
Aýdanda jańbyr jaýǵan kezde únemi sý basatyn jerlerdiń (18 ýchaske) máselesi qarqyndy sheshilip jatyr.
Tótenshe jaǵdaı jelisi boıynsha osy máseleni jedel sheshý úshin ótken jyly kolektorlardy, burý kanaldaryn qalpyna keltirý jáne aryq jelisin salý jumystary bastaldy.
Búginde 7 ýchaskede jumystar aıaqtaldy. Úsh kolektor qalpyna keltirildi jáne uzyndyǵy 955 m aryq jelisiniń qurylysy aıaqtaldy (Qarakemer kóshesi, Muqaev kóshesi, Tadjıkskaıa kóshesi, Raıymbek dańǵyly, Momyshuly kóshesiniń qıylysy - aýysý).
Qalǵan 11 ýchaskeni joıý jumystaryn osy jyldyń sońyna deıin aıaqtaý josparlanǵan.
2 kolektor (4,9 km), 1 burý kanaly (3,6 km) qalpyna keltiriledi, sondaı-aq aryq jelisiniń 8 ýchaskesiniń (5,9 km) qurylysy qamtamasyz etiledi.
Anyqtama úshin: aryq jelisiniń ýchaskeleri: Raıymbek dańǵyly, Momyshuly, Álimqulov, Magadanskaıa, Muqaev, Sháripov, Beısekbaev, Tadjıkskaıa kósheleri.