Merziminen buryn ishinara qaıtarý sheshimi búgin júzege asty.
Halyk Bank qyzmetiniń 2022 jylǵy qorytyndysy boıynsha Aksıonerlerdiń jyldyq jalpy jınalysynda dıvıdendter tóleý týraly sheshim qabyldandy, dep habarlaıdy Almaty-akshamy.kz
Oǵan sáıkes, memlekettik kómek retinde berilgen 28,4 mlrd teńge qaıtaryldy, dep habarlaıdy inbusiness.kz tilshisi.
"Dıvıdendtik saıasatqa sáıkes, Halyk Bank jyl saıyn óz aksıalary boıynsha dıvıdendter tóleıdi. Bıylǵy jyl qorytyndysy boıynsha, Bank aksıonerleri 2022 jylǵa bir aksıaǵa 25,38 teńge mólsherinde dıvıdend alady. Depozıt túrindegi memlekettik kómekti Qazkommersbank 2015 jyly aldy. 2018 jyly Qazkommersbank Halyk Bank-pen biriktirilgennen keıin, Halyk depozıttiń murageri retinde, memlekettik kómek somasy Birikken banktiń balansyna aýysty. Halyk jańa zańnamaǵa sáıkes memlekettik kómekti qaıtarýǵa birinshi bolyp kiristi jáne "Qazaqstandyq turaqtylyq qory" AQ depozıtin merziminen buryn ishinara qaıtarýǵa 28,4 mlrd teńge nemese tólenetin dıvıdendter somasynyń 10,26% -yn qaıtardy. Halyk – eldegi eń iri qarjy ınstıtýty", - delingen habarlamada.
Aıta keterligi, Halyk Bank aksıonerleriniń quramyna halyqaralyq, mınorıtarlyq jáne jergilikti ınvestorlar kiredi. Olardyń úlesi Banktiń ornalastyrylǵan aksıalarynyń jalpy sanynyń 30%-dan astamyn quraıdy.