Aqyn Semeıge at basyn tiregen saıyn jergilikti kásipker Bekbaı Baıysovtyń úıine toqtaǵan.
Shákárim de birneshe márte bul úıde bolǵan. Ertistiń jaǵasynda ornalasqan ǵımarat keıin kópir salynǵanda súrilgen. Sol kezde jergilikti kolleksıoner Aıtqalı Qystaýbaev úı aýlasynan samaýryn taýyp alypty. Qundy jádigerdi restavrasıadan ótkizip, 30 jyl boıy saqtaǵan, dep habarlaıdy Almaty-akshamy.kz 24.kz-ke silteme jasap.
Mýzeı baspasóz qyzmetiniń málimetine súıensek, samaýryn 1893 jyly Týlada shyqqan. Ony búginde ómirden ótken kolleksıonerdiń uly mýzeıge tapsyrýdy uıǵarypty. Aıta keteıik, qazirgi tańda mýzeı qorynda, Abaı ómirine qatysty 40-tan astam jádiger bar.
«Osy úıde jańaǵy Abaı atamyz búkil osy jańaǵy Abaı baǵytynan kelgen adamdarǵa eń yńǵaıly osy Baıysovtardyń úıleri bolǵan eken. Sol jerde Abaı atamyz ornalasyp, sol jerde shaı ishken. 40-shy jyldary Abaıdyń eń alǵashqy murajaıy boldy, ashyldy. Sodan beri jańaǵy Danıar Moldabaevtyń úıine kóshirgen kezde sol úı qańyrap qaldy. Ákem sol jerden 2 samaýryn tapty, sonyń jańaǵy bireýi – osy», - deıdi Abaı atyndaǵy halyqaralyq mádenıet pen ónerdi qoldaý qorynyń quryltaıshysy Ermek Beısembaev.