Qazir 131 mıllıon dollar qaıtarylady dep kútilip otyr.
Ózbekstannyń burynǵy Prezıdenti Islam Kárimovtyń qyzy Gúlnar Kárimovanyń aqshasy elge qaıtarý úshin Birikken Ulttar Uıymynyń kópjaqty senim qoryn qurady, dep habarlaıdy Almaty-akshamy.kz Ózbekstannyń Ádilet mınıstrligine silteme jasap.
Mınıstrlik usynǵan aqparat boıynsha, Ózbekstan Kárimova men onyń sybaılastary elden zańsyz áketken aktıvterdi qaıtarý máselesi boıynsha Shveısarıa, AQSH, Fransıa, Reseı jáne basqa elderdiń organdarymen jumys istep jatyr.
«2022 jyldyń 11 aqpanynda Shveısarıa men Ózbekstan kezdesý uıymdastyrǵan. Jıynda eki delegasıa da Birikken Ulttar Uıymynyń kópjaqty senim qoryn qurýǵa kelisken. Qor Gúlnar Kárimovaǵa qatysty qylmystyq is júrgizý sheńberinde túpkilikti tárkilengen aktıvterdi qaıtarý úshin paıdalanylatyn bolady», – delingen habarlamada.
Qazir 131 mıllıon dollar qaıtarylady dep kútilip otyr. Bul qarjy Ózbekstannyń ál-aýqatyn jaqsartýǵa jumsalmaq.