Almaty qalasy boıynsha 238 munaraly kran bar, dep habarlaıdy Almaty-akshamy.kz.
«Almaty qalasy boıynsha 238 munaraly kran esepke qoıylǵan, onyń ishinde 219 munaraly kran qurylys nysandarynda ornatylǵan»,- dep habarlady qalalyq ákimdikten.
Eske salaıyq, 23 qańtar kúni «Taýgúl-1» shaǵynaýdanyndaǵy qurylys alańynda kran qulap, bir adam mert boldy.
Oqıǵa ornynda qaza tapqan 49 jastaǵy kran mashınısine qatysty qylmystyq is qozǵaldy. Sonymen qatar, barlyq krandy tekseretin jumys toby quryldy.
«Qurylys alańynda qaza tapqan kran mashınısi B.S. Maınovtyń ólimine qatysty jazataıym oqıǵany tergeý komısıasy quryldy. Qazirge tańda komısıanyń jumysy jalǵasýda»,- dep atap ótti ákimdiktegiler.
Munaraly kran - aýyr júkterdi qaýipti bıiktikke kóterýge qabiletti qozǵalmaıtyn kran. Kran - aýyr salmaqty júkterdi adamnyń boıy jetpeıtin úlken bıikke kóterýge qabiletti mashına.
Jobanyń sıpatyna baılanysty krandar bekitilgen nemese jyljymaly bolýy múmkin. Bekitilgen krandar, olardyń ataýy aıtyp turǵandaı, jobany júzege asyrý kezeńinde ornynda qalady jáne basqa jerge aýysqanǵa deıin bólshektelýi kerek. Bekitilgen krandardyń keń taraǵan túrlerine munara krandary jáne aspaly krandar jatady.