Memleketke keltirilgen zalal tolyq óteldi.
Sybaılas jemqorlyqqa qarsy qyzmet Gúlmıra Satybaldyǵa, onyń baqylaýyndaǵy «Arıa-Jańa Astana» JSHS kompanıasynyń basshylyǵyna jáne memlekettik organdardyń laýazymdy tulǵalaryna qatysty obektilerdi salýǵa bólingen búdjet qarajatyn jymqyrý faktileri boıynsha tergeýdi jalǵastyrýda, dep habarlaıdy Almaty-akshamy.kz Antıkorǵa silteme jasap.
Birneshe obektiler boıynsha is júzinde oryndalmaǵan qurylys-montajdaý jumystaryna aqy tóleý nátıjesinde memleketke jalpy somasy 3,9 mıllıard teńgege asa iri mólsherde zalal keltirildi.
«Tergeý satysynda qabyldanǵan sharalarmen memleketke keltirilgen zalal tolyq óteldi. Sonymen qatar, G.Satybaldy men onyń senimdi tulǵalaryna qatysty birqatar kásiporyndardyń qatysý úlesteri men aktıvterin zańsyz ıelený, adamdy urlaý jáne bas bostandyǵynan zańsyz aıyrý faktileri boıynsha tergeý júrgizilýde», - dep jazdy vedomstvodan.
Ondaǵy málimetterge qaraǵanda, jábirlenýshilerge keltirilgen zalaldyń aldyn ala somasy 6,6 mılıard teńgeden asady.
Kúdikti adamdar kúzetpen ustalýda.