Otandastarymyz bıyl Grýzıadan byltyrmen salystyrǵanda 3 ese kóp kólik satyp alǵan
Grýzıada jańa jyldan keıin kólik qymbattaıdy. Sarapshylardyń boljamynsha, baǵa 10-15% deıin artady, dep habarlaıdy Almaty-akshamy.kz «Habar 24» telearnasyna silteme jasap.
Óıtkeni temir tulpar eksportynan túsetin tabys aıtarlyqtaı ulǵaıǵan. Munda AQSH, Kanada men Japonıadan jańa jáne paıdalanylǵan temir tulparlar jetkiziledi. Otandastarymyz bıyl Grýzıadan byltyrmen salystyrǵanda 3 ese kóp kólik satyp alǵan.
«Bıyl jergilikti naryqta kólik 30-40% qymbattady. Óndirýshi elderde, ıaǵnı AQSH pen Kanadada DA olardyń baǵasy ósken. Óıtkeni pandemıaǵa baılanysty jańa temir tulpardardyń óndirisi qysqardy. Bólshekter tapshylyǵy týyndady. Logıstıkalyq qıyndaqtar taǵy bar. Sol sebepti kólikti jetkizýge ketetin ýaqyt uzardy. Ol 4-5 aıǵa deıin sozylyp ketedi. Munyń bári shyǵyndardyń artýyna ákep soqtyrady», - dedi Grýzıa kólik ımporttaýshylary qaýymdastyǵynyń negizin qalaýshy Lasha Darbaıselı.