Óńirlik komýnıkasıalar qyzmetiniń brıfıńinde Almaty qalasynyń eńbek utqyrlyǵy ortalyǵynyń dırektory Saǵyndyq Kenjebaev megapolıste kásipkerlikti damytý jáne qoldaý sharalary týraly aıtyp berdi.
Spıkerdiń málimetinshe, búginde memlekettik granttardy 188 úmitker ıelendi. 11 qyrkúıekten bastap aǵymdaǵy jyldyń sońǵy 3-shi aǵynyna ótinimderdi qabyldaý bastalady, dep habarlaıdy Almaty-akshamy.kz.
Barlyǵy 375 adam grant alady dep boljanýda. Ótken jyldardaǵy kórsetkishter kelesideı: 2022 j. - 1570, 2021 j. - 1298 adam.
«Jappaı kásipkerlikti damytý aıasynda aılyq eseptik kórsetkishtiń 400 eselengen mólsherine deıin (1 380 000 teńge) memlekettik granttar berý kózdelgen - bul jańa bıznesti bastaý jáne damytý úshin qaıtarymsyz negizde beriletin bastapqy kapıtal. Grant qarajaty isin jańa bastaǵan kásipkerlerge, sondaı-aq jekelegen áleýmettik sanattarǵa jatatyn adamdarǵa (AÁK jáne kóp balaly bolý boıynsha járdemaqy alýshylar, asyraýshysynan aıyrylý jaǵdaıy boıynsha, qandastar, múgedek balany tárbıelep otyrǵan múgedek adamdar) ózderiniń bıznes-áleýetin iske asyrýǵa, óndiristi jolǵa qoıýǵa jáne damytýǵa, sol arqyly ózderin turaqty tabyspen qamtamasyz etýge múmkindik beredi», - dep habarlady S. Kenjebaev.
Sonymen qatar, jyl basynan beri 21-35 jas aralyǵyndaǵy jastarǵa shaǵyn nesıe berý baǵdarlamasy iske qosyldy. Qaryz jyldyq 2,5% - ben 5 jylǵa deıingi merzimge 5 mln teńgege deıingi somaǵa beriledi.
Bul rette kepilmen qamtamasyz etýdiń bolýy mindetti shart bolyp tabylady. Kepil retinde respýblıkanyń búkil aýmaǵy boıynsha jyljymaly (mamandandyrylǵan tehnıka) jáne jyljymaıtyn múlik qabyldanady. Kepilmen qamtamasyz etý bolmaǵan jaǵdaıda kepil berýshini (ata-analaryn, týystaryn jáne t.b.) tartýǵa bolady.
Osylaısha, búginde 79 joba maquldandy, onyń 44-i qarjylandyryldy. Ótinimderdi qabyldaýdy «Agrarlyq kredıttik korporasıa» aksıonerlik qoǵamynyń Sátbaev kóshesi, 5 mekenjaıy boıynsha ornalasqan qalalyq fılıaly júzege asyrady.