Gonkong tumaýy Abaı oblysy men Almatyǵa da jetti. Eki óńirdi qosqanda, jalpy sany 32 naýqas vırýstyń osy túrin juqtyrǵan, - dep habarlaıdy aqshamnews.kz tilshisi KTK-ǵa silteme jasap.
Naýqastardyń dene qyzýy 40 gradýsqa deıin kóterilip, ońaılyqpen túspeıdi. Al dárigerler dertten saqtaný úshin ekpe saldyrǵan jón deıdi.
"Tumaýdyń aldyn alý sharasy - vaksınasıa. Eń birinshi kezekte osal toptaǵy adamdar ekpe saldyrý kerek. Olarǵa arnap jergilikti búdjetten 60 myń doza satyp alyndy. Búginde oblysymyzdyń 10 paıyzǵa jýyq turǵyny osy tumaýǵa qarsy ekpe aldy", - deıdi Abaı oblysy sanıtarıa-epıdemıologıany baqylaý departamentiniń bólim basshysy Aınur Serikbaeva.
Elimizde rınovırýs, paragrıpp jáne koronavırýsqa shaldyqqandarǵa qatysty statısıka da máz emes. Máselen, Almatyda vırýs juqtyrǵandar byltyrǵymen salystyrǵanda 20 paıyzǵa joǵary. Iaǵnı 23 myńǵa jýyq turǵyn tumaýmen tirkelgen. Onyń jartysynan kóbi - balalar.
Al Gonkong tumaýymen aýyryp júrgenderdiń qatarynda júkti áıel kóp. Epıdahýaldyń kúrdelenýine baılanysty aq halattylar kúsheıtilgen jumys tártibine kóshken.
Epıdemıologıa maýsymy kezinde ózin ózi qorǵaý úshin kópshilik oryndarǵa barǵan kezde betperde kıý usynylady. Kópshilik baratyn oryndarǵa kóp barmaýǵa tyrysyńyz. Balalar bolmasa, ózi aýyra bastaǵan kezde, eń birinshi kezde úıde bolatyn rejımdi saqtaý kerek. Óıtkeni ol aýyryp turyp, kóshege shyǵatyn bolsa, kópshilik oryndarǵa baratyn bolsa, ózi aýyrǵanymen qatar basqa da juqtyrýy múmkin.