18-19 qarashada Almatyda Túrkítíldes jurnalıster qorynyń ūıymdastyruymen "Túrkí álemíníń medıa keńístígí: jańa dáuírdegí míndetter men múmkíndíkter" taqyrybyna VI Halyqaralyq túrkítíldes jurnalıster medıa forumy ótedí.
Ís-sharaǵa Qazaqstan, Ortalyq Azıya, Túrkıya, Europa elderínen BAQ basshylary, jurnalıster, deputattar, medıa salasyndaǵy ÚEŪ basshylary, Qoǵam qaıratkerlerí, PR menedjerler, baspasóz hatshylary, jurnalıstıka fakultetíníń mūǵalímderí men studentterí t.b. qatysady.
"Medıa jáne mádenı bíregeılík: BAQ arqyly túrkí álemíníń baılanysyn nyǵaıtu", "Túrkí elderí arasyndaǵy tsıfrlyq kópír: PR-daǵy jańa tehnologıyalar, platformalar jáne qūraldar", "Medıabıznestegí tūraqtylyq pen ınnovatsıyalar: bolashaqtyń modelí", "Jańa dáuír shyndyǵy: BAQ-taǵy jasandy ıntellekt" taqyryptaryndaǵy otyrystarda túrkí álemí medıasynda ortaq aqparattyq alań qalyptastyru joldary, mádenı mūralar arqyly túrkíníń ūlttyq qūndylyqtaryn nasıhattau, túrkí memleketteríníń álemdík arenadaǵy ımıdjín nyǵaıtu úshín PR strategıyasyn úılestíru, BAQ-taǵy kírís kózín dıversıfıkatsıyalau, aqparatty tabys kózíne aınaldyrudyń joldary, kontent daıyndau jáne óńdeu protsesterínde jasandy ıntellekttí paıdalanu, t.b. máseleler talqyǵa salynady.
Medıa forum sheńberínde ūıymdastyrylatyn "Áleumettík jurnalıstıka: BAQ-taǵy áleumettík máseleler" taqyrybyndaǵy semınar-trenıngte Germanıyadaǵy "Nemís tolqyny" telearnasy Túrík redaktsıyasynyń dırektory Erkan Arykan "Deutsche Welle": jasandy ıntellekt kómegímen jasalǵan jalǵan vıdeolardy anyqtau" taqyrybyna sheberlík sabaǵyn ótedí.
Sondaı-aq, "Túrkítíldes jurnalıster qory" QQ "Shevron" kompanıyasy seríktestígínde ūıymdastyrǵan "Áleumet – qoǵam aınasy"-2025 baıqauy men "Halyk Bank" AQ seríktestígínde ūıymdastyrǵan "Erkín sóz"-2025 baıqauynyń jeńímpazdaryn marapattau saltanaty ótedí.